![[b]Azərbaycan idmançısı Avropa kubokunun qalibi oldu[/b]](https://lent.az/site/assets/images/breaking-news/lentaz.png)
Azərbaycan triatlon komandasının üzvü Rostislav Pevtsov İspaniyanın Las-Palmas şəhərində təşkil olunan Avropa kuboku yarışlarında qızıl medal qazanıb.
Lent.az-ın “azərtac”-a istinadən xəbərinə görə, təmsilçimiz 72 idmançının mübarizə apardığı kişilər arasında keçirilən triatlon yarışında 1 saat 50 dəqiqə 42 saniyə nəticə göstərərək Avropa kubokunun qalibi olub. R.Pevtsov ən yaxın izləyicisi isveçrəli Adrien Briffodu 17 saniyə qabaqlayıb. Turnirdə üçüncü yeri 1 saat 51 dəqiqə 39 saniyə nəticə ilə ispaniyalı idmançı Uxio Abuin Ares tutub.
Qadınların mübarizəsində isə komandamızın üzvü Kseniya Levkovskaya 2 saat 10 dəqiqə 27 saniyəlik nəticə ilə 17-ci olub.
Azərbaycan komandası yarışda baş məşqçi Sergey Yatsenkonun rəhbərliyi ilə təmsil olunub.
Qeyd edək ki, Avropa kubokundan sonra milli komandamız Las-Palmasda təlim-məşq toplanışlarında olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
