“Mançester Yunayted”dən Beylə fantastik təklif

Madrid “Real”ının uelsli futbolçusu Qaret Beyl karyerasını yenidən İngiltərə çempionatında davam etdirə bilər. Lent.az-ın məlumatına görə, “Mançester Yunayted” 25 yaşlı hücuma meyilli yarımmüdafiəçisi ilə yaxından maraqlanır. “Mankunianlar” Beylə görə 115 milyon avrolarından keçməyə hazırdırlar. Qeyd edək ki, Beyl 2013-cü ildən “Real”ın formasını geyinir. O, hazırkı komandasının heyətində ümumilikdə 56 oyun keçirib və 27 qola imza atıb.