"Mançester Siti"nin baş məşqçisi Pep Qvardiola bu mövsümün sonunda komandadan ayrılacaq yarımmüdafiəçi Kevin De Bruyne haqda danışıb.
Lent.az-ın xarici mediaya istinadla xəbərinə görə, "şəhərlilər"in çalışdırıcısı etiraf edib ki, müqaviləsi yayda başa çatacaq 33 yaşlı belçikalı ilə ayrılmaq qərarı klub tərəfindən verilib.
"Qərarı klub verib. Klub klubdur. Mənim tərəfimdən, Çiki Beqiristayn və klub. Məsələ bundadır. Klub irəli getməlidir. Belə nəticələri təkrarlamaq çətin olacaq, amma biz başqa keyfiyyətlər tapmalıyıq və komandanın mövsümü necə başa vuracağını görəcəyik. O, yeganə oyunçudur ki, müqaviləsi başa çatır, digər oyunçuların müqaviləsi var.
Klub Kevin De Bruyneyə hər şeyi verib, amma o da bizə hər şeyi verib. Bütün bu illəri xatırlamaq çox gözəl olacaq, unutmaq mümkün deyil. Həm yaxşı, həm də pis anlar”, - Qvardiola vurğulayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
