Bu gün Azərbaycan Premyer Liqasında mövsümün sonuncu oyununa start verilib.
Lent.az xəbər verir ki, XXXVI turun son oyununda “Araz-Naxçıvan” “Qarabağ” komandası ilə qarşılaşıb.
Oyun 2:2 hesabı ilə başa çatıb.
Bununla da “köhlən atlar” Azərbaycan Premyer Liqasında 2023/2024 mövsümünün çempionu olub.
Ağdam təmsilçisi tarixində 11-ci dəfə Azərbaycan çempionu olub və yeni rekorda imza atıb.
Qurban Qurbanov isə Ağdam təmsilçisinin sükanı arxasında 10-cu çempionluq sevincini yaşayıb.
Qeyd edək ki, “Zirə” cari mövsümü 2-ci, “Sabah” 3-cü, “Sumqayıt” komandası isə 4-cü yerdə başa vurub.
Bu isə o deməkdir ki, 2024/2025 mövsümündə “Qarabağ” Azərbaycanı UEFA Çempionlar Liqasında, “Zirə” UEFA Avropa Liqasında, “Sabah” və “Sumqayıt” UEFA Konfrans Liqasında təmsil edəcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
