Paris Sent-Jermen Səudiyyə Ərəbistanının “Əl-Nəsr” və “Əl-Hilal” klublarının birgə komandası ilə qarşılaşacaq.
Lent.az xarici mediaya istinadla xəbər verir ki, Fransa klubu bu görüşdə 10 milyon avrodan çox qazanacaq. Bundan başqa, PSJ pullu yayım üçün vəsait alacaq.
Görüş yanvarın 19-da Ər-Riyadda baş tutacaq. Qarşılaşmada Kriştiano Ronaldo və Lionel Messi də iştirak edəcək.
Bundan əvvəl Ronaldonun PSJ ilə oynayacaq “Əl-Nəsr” və “Əl-Hilal”ın birləşmiş komandasının kapitanı olduğu bildirilirdi.