“Real Madrid”in fransalı hücumçusu, Meksikanın “Paçuka” klubu ilə 2024-cü il Qitələrarası Kubokun final oyununda (3:0) qələbə qolunu vuran və məhsuldar ötürmə edən Kilian Mbappe Madrid klubunun futbolçuları üçün nadir nailiyyətə imza atıb.
Lent.az xarici mediaya istinadla bildirir ki, Mbappe son 10 ildə “Real Madrid” üçün ilk iki finalda qol vuran üçüncü futbolçu olub. Əvvəllər bu nailiyyəti uelsli vinger Qaret Beyl (2014) və ispaniyalı Marko Asensio (2017) əldə ediblər.
Xatırladaq ki, Mbappe daha əvvəl “Los Blancos”un tərkibində UEFA Superkubokunu qazanıb.
Bu mövsüm Mbappe klubda bütün turnirlərdə 23 oyunda forma geyinib, 13 qol vurub və 3 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
