Koutinyo azarkeşlərin fitə basmasından sonra "Vasko da Qama" ilə müqaviləsini vaxtından əvvəl ləğv edib.
Braziliya klubu "Vasko da Qama" yarımmüdafiəçi Filippe Koutinyonu oyunçunun xahişi ilə müqaviləsinin vaxtından əvvəl ləğv edildiyini klubun sosial media hesabında açıqlayıb.
Lent.az-ın xarici mediaya istinadən verdiyi xəbərə görə, idmançı 2024-cü ilin iyul ayında İngiltərənin "Aston Villa" klubundan icarə əsasında "Vasko de Qama"ya keçib və klubla müqaviləsi başa çatdıqdan sonra Braziliya klubuna azad agent kimi qoşulub.
Klubun açıqlamasında deyilir: "Klubumuz bildirir ki, Filippe Koutinyo ilin ortalarında başa çatmalı olan müqaviləsini vaxtından əvvəl ləğv etmək istəyini bildirmək üçün “Vasko da Qama” ilə əlaqə saxlayıb. Hörmətli və şəffaf dialoqdan sonra tərəflər müqaviləni ləğv etmək üçün qarşılıqlı məqbul bir razılığa gəliblər".
Ötən bazar günü Braziliya çempionatının "Volta-Redonda" ilə oyununun ilk hissəsində azarkeşlər Koutinyonu fitə baıblar. Məşqçi onu fasilədə əvəzləyib, bundan sonra o, ehtiyat oyunçular arasına qayıtmayıb.
Cümə axşamı günü Koutinyo “Instagram”da paylaşım edərək azarkeşlərə müraciət edib: "Mən heç vaxt azarkeşlərə, komanda yoldaşlarıma və ya “Vasko”ya hörmətsizlik etmərəm. Həmin an, soyunma otağına gedərkən klubdakı vaxtımın bitdiyini hiss etdim və başa düşdüm və prioritet vermək və zehni sağlamlığıma diqqət yetirmək üçün ehtiyat oyunçular arasına qayıtmamaq qərarına gəldim. Bu, çox ağrılıdır. Həqiqət budur ki, zehni olaraq çox yorğunam. “Vasko” ilə münasibətim sevgi münasibətidir. Və bu, əbədi davam edəcək. Ağrılı bir ürəklə başa düşürəm ki, indi bir addım geri çəkilib klubdakı vaxtıma son qoymağın vaxtıdır".
33 yaşlı Koutinyo “Vasko da Qama” gənclər sisteminin yetirməsidir. Karyerası ərzində İtaliyanın "İnter", İspaniyanın "Espanyol" və "Barselona", İngiltərənin "Liverpul", Almaniyanın "Bavariya" və Qətərin "Əl-Duhail" klublarının şərəfini qoruyub. Braziliya millisi ilə Amerika Kubokunun qalibi olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
