Çempionlar Liqasının ən yaşlı rekordçuları

Pepe "Porto"nun “Antverpen” klubunu qəbul etdiyi oyunda qol vurmaqla Çempionlar Liqası tarixinin ən yaşlı qolçusu olub.

Lent.az xarici mediaya istinadən bildirir ki, 40 yaşlı portuqaliyalı futbolçunun qolu Çempionlar Liqası tarixinin ən yaşlı rekordçularını da gündəmə gətirib.

UEFA Çempionlar Liqasının ən yaşlı oyunçuları, qol vuranları və finalçıları 40 yaş həddini keçiblər.

İtaliyalı qapıçı Marko Ballotta "Nəhənglər Liqası"nda oynayan ən yaşlı, portuqaliyalı müdafiəçi Pepe, bu liqada qol vuran ən yaşlı, italiyalı futbolçu Paolo Maldini isə çempion olan və finalda qol vuran ən yaşlı oyunçudur.

Çempionlar Liqasında oynamış ən yaşlı beş oyunçunun hamısı qapıçılardır.

İtaliyalı qapıçı Marko Ballotta Çempionlar Liqasında çıxış edən ən yaşlı oyunçudur. Ballotta bu rekordu 2007-ci ildə İtaliya təmsilçisi “Latsio” forması ilə “Real”a qarşı oyunda əldə edib.

“Nəhənglər Liqası”nda çıxış edən ən yaşlı futbolçular aşağıdakılardır:

Marko Ballotta, “Latsio – “Real”, 11 dekabr 2007 - 43 yaş 252 gün.

Canluici Buffon, “Yuventus” – “Barselona”, 2 dekabr 2020 - 42 yaş 315 gün.

Aleksandr Şovkovski, “Dinamo” Kiyev) – “Napoli”, 13 sentyabr 2016 - 41 yaş 255 gün.

Mark Şvartser, “Çelsi” – “Atletiko” Madrid, 30 aprel 2014 - 41 yaş 206 gün.

Allan MakQreqor, “Reyncers” – “Ayaks”, 1 noyabr 2022 - 40 yaş 274 gün.

Pepe Çempionlar Liqasının tarixinə düşdü

40 yaşlı portuqaliyalı müdafiəçi Pepe ötən çərşənbə axşamı “Porto”nun “Antverpen”lə ev oyununda qol vuraraq Çempionlar Liqası tarixində qol vuran ən yaşlı oyunçu olub.

Pepe

Çempionlar Liqasının H qrupunun 4-cü həftəsində Portuqaliya təmsilçisi "Porto"nun Belçikanın “Antverpen” komandasına 2:0 hesabı ilə qalib gəldiyi oyunda 40 yaş 254 günlük Pepe 90+1-də komandasının ikinci qolunu vurmaqla, 40 yaşdan yuxarı turnirdə qol vuran ilk futbolçu olub.

Bu qoldan əvvəl italiyalı hücumçu Françesko Totti Çempionlar Liqasında 38 yaş 59 günlükdə qol vuran ən yaşlı oyunçu rekorduna sahib olub.

Çempionlar Liqasında qol vuran ən yaşlı futbolçular aşağıdakılardır:

Pepe, “Porto” – “Antverpen” (Belçika), 7 noyabr 2023 - 40 yaş 254 gün.

Françesko Totti, “Roma” – OMİK Moskva (Rusiya), 25 noyabr 2014 - 38 yaş 59 gün.

Rayan Giqqz, “Mançester Yunayted” – “Benfika” (Portuqaliya), 14 sentyabr 2011 - 37 yaş 290 gün.

Filippo İnzaqi, “Milan” – “Real”, 3 noyabr 2010 - 37 yaş 87 gün.

Xavyer Zanetti, “İnter” – “Tottenhem” (İngiltərə), 20 oktyabr 2010 - 37 yaş 72 gün.

İtaliyalılar Çempionlar Liqasının ən yaşlı çempionlarıdır

Çempionlar Liqası kubokunu qazanan ən yaşlı beş futbolçunun hamısı italyan əsilli futbolçular olsa da, bu uğurlar da İtaliya komandalarında oynayarkən əldə edilib.
Siyahıdakılar arasında yalnız Xavyer Zanetti italyan əsilli argentinalı futbolçu olduğu üçün digər dörd nəfərdən fərqlənib.

Çempionlar Liqasının ən yaşlı çempionu 2007-ci ildə İtaliyanın “Milan” komandası ilə İngiltərə təmsilçisi “Liverpul”a qalib gələrək, kuboku qazanan Paolo Maldini olub.

Maldini bu uğura 2007-ci ildə 38 yaş 331 gün olarkən Çempionlar Liqası kubokunu qazandırmaqla nail olub.

Çempionlar Liqasının ən yaşlı çempionları:

Paolo Maldini, “Milan” – “Liverpul”, 23 may 2007 - 38 yaş 331 gün.

Pietro Verxovod, “Yuventus” – “Ayaks”, 22 may 1996 - 37 yaş 46 gün.

Alessandro Kostakurta, “Milan”-“Yuventus”, 28 may 2003 – 37 yaş 34 gün.

Xavyer Zanetti, “İnter” – “Bavariya”, 22 may 2010 - 36 yaş 285 gün.

Marko Materassi, “İnter”-“Bavariya”, 22 may 2010 – 36 yaş 276 gün.

Çempionlar Liqasının ən yaşlısı Van der Sar

Çempionlar Liqasının finalında oynayan yeganə 40 yaşdan yuxarı futbolçu olan hollandiyalı qapıçı Edvin van der Sar 2011-ci ildə İngiltərənin "Mançester Yunayted" komandası ilə bu adı qazanıb.

Hollandiyalı qapıçı bu rekorda 2011-ci ildə Çempionlar Liqasının finalında 40 yaş 211 gün olarkən "Barselona"ya qarşı oynayaraq nail olub.

Çempionlar Liqasının ən yaşlı finalçıları:

Edvin van der Sar, “Mançester Yunayted”-“Barselona”, 28 may 2011- 40 yaş 211 gün.

Canluici Buffon, “Yuventus” – “Real”, 3 iyun 2017 - 39 yaş 126 gün.

Paolo Maldini, “Milan” – “Liverpul”, 23 may 2007 - 38 yaş 331 gün.

Lotar Mattaus, “Bavariya” – “Mançester Yunayted”, 26 may 1999 - 38 yaş 66 gün.

Rayan Giqqz, “Mançester Yunayted” – “Barselona”, 28 may 2011 - 37 yaş 180 gün.

Paolo Maldini Çempionlar Liqası finalında qol vuran ən yaşlı futbolçudur

“Milan”ın əfsanələrindən olan Paolo Maldini 25 may 2005-ci ildə İstanbulda 4-3 hesabı ilə uduzduqları “Liverpul”la tarixi final oyununda qol vuraraq Çempionlar Liqasının finalında qol vuran ən yaşlı oyunçu olub - 36 yaş 333 gün.

Paolo Maldini 2005-ci ildə İstanbulda Çempionlar Liqasının finalında uduzsa da, 2007-ci ildə finalda qalib gələrək Çempionlar Liqası kubokunu qazanan ən yaşlı oyunçu olub.