Çempionlar Liqasında İLK...
14 may 2021 14:40 (UTC +04:00)

Çempionlar Liqasında İLK...

Çempionlar Liqası tarixində ilk dəfə eyni ölkə ardıcıl iki finalı qəbul edəcək.

Apasport.az saytının məlumatına görə, bu, UEFA-nın 2020/21 mövsümünün həlledici matçı ilə bağlı qərarından sonra mümkün olub.

Belə ki, qurum Türkiyənin İstanbul şəhərindəki finalı Portuqaliyanın Porto şəhərinə keçirib. Maraqlıdır ki, bir il əvvəl də eyni hadisə yaşanmışdı.

Həmin vaxt da İstanbuldakı final koronavirus pandemiyası üzündən Portuqaliyaya verilmişdi. Həmin vaxt ümumiyyətlə “səkkizlər finalı” eyni ölkədə keçirilmişdi. Həlledici qarşılaşma isə Lissabonda baş tutmuşdu.

Portuqaliyaya qədər Avropanın heç bir ölkəsi ardıcıl iki belə final qəbul etməyib. Bu, 1955/56 mövsümündən keçirilən yarışın 66 illik tarixində ilk belə haldır.

Qeyd edək ki, ardıcıl ikinci dəfə finalı qəbul etməsi təxirə düşən İstanbul da həlledici matçsız qalmayacaq. Artıq dünya KİV-ində 2022/23 mövsümünün final görüşünün bu şəhərə veriləcəyi barədə xəbərlər yayılıb. İstanbul bu matçın ev sahibi olması planlaşdırılan Almaniyanın Münhen şəhərini əvəz etməlidir. İstanbula daha bir vacib görüş də veriləcək. Bu ilin avqustunda baş tutacaq UEFA Superkubokunun məhz qonşu ölkəyə verilməsi də gündəmdədir.

# 2058
avatar

Oxşar yazılar