"Barselona" üçün onu almaq prioritetdir - Bu qədər pul verəcək

"Barselona" 2025-ci ilin yayında "Napoli"nin 23 yaşlı hücumçusu Xviça Kvaratsxeliyanı almaqda maraqlıdır və onun transferi üçün 80 milyon avro təklif etməyə hazırdır.

Lent.az-ın xarici KİV-ə istinadən məlumatına görə, “blauqrana” Kvaratsxeliyanı almaqda o qədər maraqlıdır ki, “Atletik Bilbao”nun cinah oyunçusu Niko Uilyamsı almaq fikrindən əl çəkə bilər.

Xviça Kvaratsxeliya 2022-ci ildən "Napoli"də çıxış edir. Komandanın tərkibində o, 2023-cü ildə İtaliya çempionu olub. Kvaratsxeliya bundan əvvəl “Dinamo” (Tbilisi), “Dinamo” (Batumi), “Rustavi”, “Rubin Kazan” və Moskva “Lokomotiv”ində çıxış edib.

Bu mövsüm Kvaratsxeliya bütün turnirlərdə 14 oyunda iştirak edib, o, beş qol vurub və iki məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub.

Transfermarkt portalı gürcü futbolçunun bazar dəyərini 80 milyon avro qiymətləndirir.