ABŞ-da təyyarə qəzası: Fiqurlu konkisürəni iti xilas etdi

Amerikalı fiqurlu konkisürən Con Maravilla Vaşinqtonda təyyarə qəzasından möcüzə nəticəsində xilas olub. Onu əslində iti xilas edib.

Lent.az xarici KİV-ə istinadla bildirir ki, bu barədə idmançı özü məlumat verib.

Maravilla bildirib ki, son anda Vaşinqtonda qəzaya uğrayan təyyarəyə minməmək qərarına gəlib. İdmançı iti sayəsində xilas edilib, buna görə də təyyarəyə buraxılmayıb.

Uçuş üçün qeydiyyat zamanı Maravillaya ev heyvanının daşımaq üçün çox böyük olduğu bildirilib, buna görə də idmançı avtomobillə getməyə qərar verib.

Konkisürən təyyarənin göyərtəsində daha 14 idmançının olduğunu təsdiqləsə də, onların adlarını açıqlamaqdan imtina edib.

"Özümü hissiz hiss edirəm, dəlilikdir. Xoşbəxtlikdən bu mənim təyyarəm deyildi, amma mən o təyyarədə olan bir neçə konkisürən, məşqçi və ailəni tanıyıram...

Adları çəkmək istəmirəm, amma təyyarədə valideynləri və bir neçə məşqçi xaricində təxminən 14 konki sürən var idi. Belə bir faciə”, - Maravilla bildirib.