“Barselona”nın futbolçusu Ansu Fati tarixə düşüb.
Lent.az-ın məlumatına görə, istedadlı hücumçu buna İspaniya çempionatının 10-cu turundan “Real”la təxirə salınmış oyunda imza atıb.
Fati qolsuz bərabərliklə yekunlaşan qarşılaşmada 83-cü dəqiqədə meydana daxil olub. Nəticədə 1941-ci ilin oktyabrından bəri “El Klasiko”da debüt edən ən gənc futbolçu adına yiyələnib. Fati “Real”a qarşı dünənki görüşü 17 yaş 48 günlüyündə keçirib. Rekord isə 1941-ci ildə 16 yaş 278 günlüyündə “El Klasiko”da “Barselona”nın formasını geyinmiş Visente Martinesə məxsusdur.
Qeyd edək ki, dünənki heç-heçədən sonra "Barselona" 36 xalla La Liqada liderliyini davam etdirib. İkinci pillədə qərarlaşan "Real" da eyni xala malikdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
