Azərbaycan Kubokunun finalı 6 il sonra Respublika günündə!

Lent.az-ın məlumatına görə, Peşəkar Futbol Liqası 2012-2013-cü il mövsümünün təqvimində final matçını mayın 28-ə təyin edib.

Sonuncu dəfə həlledici qarşılaşma 2006-2007-ci il mövsümündə əlamətdar gündə oynanılıb. Həmin vaxt finalda İmişli “MKT-Araz”ını 1:0 hesabı ilə yenən “Xəzər Lənkəran” kuboka sahib olub. Növbəti illərdə mövsümün son oyunu daha erkən tarixlərdə baş tutub. Rəsmi səbəb kimi finaldan dərhal sonra Azərbaycan milli komandasının təlim-məşq toplantısına başlaması göstərilib.