“İnter”lə “Xəzər Lənkəran”ın cavab görüşlərinin hakimləri açıqlandı
14 iyul 2012 11:29 (UTC +04:00)

“İnter”lə “Xəzər Lənkəran”ın cavab görüşlərinin hakimləri açıqlandı

“İnter” və “Xəzər Lənkəran” klublarının futbol üzrə Avropa Liqasının II təsnifat mərhələsindəki cavab görüşlərinin baş hakimləri müəyyənləşib. Lent.az-ın məlumatına görə, “İnter”in Yunanıstan “Asteras”ı ilə səfər qarşılaşması danimarkalı referi Lars Kristoffersenə tapşırılıb.

İyulun 26-da Tripoli şəhərindəki “Asteras Tripolis” stadionunda baş tutacaq qarşılaşma Bakı vaxtı ilə saat 22:00-da başlanacaq. Bundan 1 saat sonra isə “Xəzər Lənkəran” Polşanın Poznan şəhərində “Lex”lə təkrar qarşılaşmaya çıxacaq. “Municipial” stadionunda keçiriləcək oyuna bolqarıstanlı Stanislav Tarasov baş hakim təyin olunub.

Qeyd edək ki, ilk oyunlar iyulun 19-da baş tutacaq. Lənkəran şəhər Mərkəzi stadionunda saat 20:00-da başlanacaq “Xəzər Lənkəran” – “Lex” matçını avstriyalı referi Robert Şörgenhofer, Bakının Mərdəkan qəsəbəsindəki “Dalğa Arena”da saat 21:00-da startı veriləcək “İnter” – “Asteras” görüşünü isə macarıstanlı baş hakim Mihay Fabian idarə edəcək.
# 418

Oxşar yazılar