Unibank Premyer Liqası: Əvvəlcə “Neftçi”, sonra “Xəzər Lənkəran”

Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı tura sentyabrın 23-də Tovuzda “Turan” – “Rəvan” matçı ilə start veriləcək.

Bu oyunun ardından paytaxt derbisi – “Neftçi” – “Bakı” matçı başlanacaq. Günün son oyunu isə lider “Xəzər Lənkəran”la ikinci pillədəki mövqeyini ötən tur əldən vermiş “Qəbələ” arasında baş tutacaq.

Ertəsi gün daha 3 oyun keçiriləcək:

23 sentyabr (cümə)

16:00. “Turan” (Tovuz) – “Rəvan” (Bakı)
Tovuz şəhər stadionu.

18:00. “Neftçi” (Bakı) – “Bakı”
Tofiq Bəhramov adına Respublika stadionu.

18:30. “Xəzər Lənkəran” – “Qəbələ”
Lənkəran şəhər mərkəzi stadionu.

24 sentyabr (şənbə)

15:00. “Sumqayıt Şəhər” – “Simurq” (Zaqatala)
Mehdi Hüseynzadə adına Sumqayıt şəhər stadionu.

18:00. AZAL (Bakı) – “Qarabağ” (Ağdam)
AZAL Arena.

19:00. “İnter” (Bakı) – “Kəpəz” (Gəncə)
“Şəfa” stadionu.