Aleksandr Starkov: “Azərbaycan çempionatında zəif komanda yoxdur”
17 sentyabr 2011 10:48 (UTC +04:00)

Aleksandr Starkov: “Azərbaycan çempionatında zəif komanda yoxdur”

“Bakı” futbol klubunun baş məşqçisi Aleksandr Starkov Premyer Liqanın VI turunda qarşılaşacaqları “Turan”la oyun haqda fikirlərini bölüşüb.


Lent.az-ın məlumatına görə, latviyalı mütəxəssis Tovuz komandasını çox güclü komanda kimi dəyərləndirib. Starkovun fikrincə, “Turan” xüsusən doğma meydanda yaxşı təsir bağışlayır: “Ona görə də bu oyuna ciddi hazırlaşırıq. Futbolçular da bu oyuna yaxşı köklənməlidir. Əks halda, qələbə qazana bilməyəcəyik”.


“Bakı” ötən tur debütant “Rəvan”ı 3:2 hesabı ilə məğlub edib. Paytaxt klubunun baş məşqçisi növbəti turlarda daha güclü rəqiblərlə oynayacaqlarını deyib: “Bizi hələ qarşıda uzun marafon gözləyir. Növbəti turlarda daha güclü rəqiblərə qarşı oynayacağıq. Bununla belə, bütün rəqiblərə hörmətlə yanaşırıq. Azərbaycan çempionatında zəif komanda yoxdur”.

Qeyd edək ki, sentyabrın 18-də keçiriləcək “Turan” – “Bakı” matçı saat 16:00-da başlanacaq.
# 330

Oxşar yazılar