“Neftçi”nin prezidentindən Mübariz Mənsimova təbrik

Lent.az-ın məlumatına görə, flaqmanın prezidenti Sadıq Sadıqov əzəli rəqiblərinə təbriklərini çatdırmaqla yanaşı, qarşıdakı turnirlərdə uğurlar arzulayıb.

“AFFA və Peşəkar Futbol Liqasının rəhbərliyinin səyi nəticəsində Unibank Premyer Liqası və NBC Bank Azərbaycan Kuboku uğrunda yarışların səviyyəsi ildən-ilə artır. Ölkə futbolunda maraqlı idman mübarizəsi, inkişaf, əldə olunan uğurlar göz qabağındadır. Bu baxımdan, “Xəzər Lənkəran”ın ölkə futbolunun inkişafına verdiyi töhfə təqdirəlayiqdir. 2010/2011-ci il mövsümündə Premyer Liqada olduğu kimi, ölkə kubokunda da bir-birindən maraqlı matçlar izlədik. Finalda “İnter”ə qalib gələn “Xəzər Lənkəran” yarışın layiqli qalibi oldu. Bu münasibətlə “Xəzər Lənkəran” klubunun bütün kollektivini, o cümlədən fəxri prezident Mübariz Mənsimovu və prezident Mais Mənsimovu təbrik edirəm. Lənkəran təmsilçisinə Avroliqada uğurla çıxış etməyi, ölkəmizin idman şərəfini daha da yüksəklərə qaldırmağı arzulayıram”.

Qeyd edək ki, “Neftçi” klubu Unibank Premyer Liqasının qalibi olub.