AFFA-dan “Xəzər Lənkəran”a jest

Lent.az-ın məlumatına görə, iclasda “Xəzər Lənkəran” klubunun baş məşqçi Mirça Rednikin cəzasının qalan hissəsinin ləğv edilməsi ilə bağlı müraciətinə baxılıb.

Aparılan müzakirələrdən sonra Rednik barədə AFFA İntizam Komitəsinin qəbul etdiyi qərar qüvvədə saxlanılıb. Sadəcə, rumıniyalı mütəxəssis 3 oyunluq texniki zonadan kənarlaşdırılıb, digər 2 oyunluq cəzadan isə 6 aylıq sınaq müddəti tətbiq edilməklə azad olunub. 6 aylıq sınaq müddəti ərzində Mirça Rednik analoji hərəkətlərə yol verərsə, ona təyin olunmuş intizam tədbiri hazırkı azad olunmuş cəzaya əlavə olunacaq. Bu isə o deməkdir ki, Rednik mayın 24-də “Xəzər Lənkəran”ın “İnter”lə keçirəcəyi NBC Bank Azərbaycan Kubokunun final matçında texniki zonaya buraxılacaq.

Qeyd edək ki, Mirça Rednik “Neftçi” ilə ölkə kubokunun ilk ¼ final matçında hakimin qərarına etiraz olaraq kepkasını yerə çırpdığı üçün 5 oyunluq diskvalifikasiyaya məruz qalmışdı. Rednik cəzasının 3 oyunluq hissəsini geridə qoyub.