FİFA rəsmiləri stadionlarımızı yoxladı - FOTO
23 may 2011 13:50 (UTC +04:00)

FİFA rəsmiləri stadionlarımızı yoxladı - FOTO

Lent.az-ın AFFA-nın rəsmi saytına istinadən verdiyi məlumata görə, 6 günlük səfər proqramı çərçivəsində FİFA nümayəndələri 2012-ci ildə ölkəmizdə təşkil olunacaq 17 yaşadək qızlardan ibarət komandalar arasında dünya çempionatında istifadəsi nəzərdə tutulan stadionların və məşq meydançalarının inspeksiyasını keçiriblər.

Təbii ot örtüklü meydançalardan torpaq və ot nümunələri götürülüb. Həmçinin istifadə olunan avadanlıqlara baxış keçirilib. Aparılan testlər və analizlərə əsasən, Bakıda keçiriləcək 17 yaşadək qızlar arasında 2012-ci il dünya çempionatında istifadə ediləcək stadion və məşq meydançalarının hər birinə yaxşı qulluq olunmasına dair xüsusi təlimatlar hazırlanacaq.

Qeyd edək ki, oktyabrda Bakıda FİFA mütəxəssislərinin iştirakı ilə stadionların ot örtüyünə qulluq edən şəxslər üçün nəzəri-praktiki seminarın təşkili nəzərdə tutulub.
# 469

Oxşar yazılar