Mahmud Qurbanov Gəncəyə qayıdır
20 may 2011 19:19 (UTC +04:00)

Mahmud Qurbanov Gəncəyə qayıdır

Bu haqda Lent.az-a “Gəncə”nin baş məşqçisi Mehman Allahverdiyev məlumat verib.

O, Qurbanova aprelin 17-də “Bakı”nın bazasında keçirilmiş MOİK – “Gəncə” matçı vaxtı təklif ünvanladığını bildirib. Allahverdiyevin sözlərinə görə, həmin vaxt 38 yaşlı yarımmüdafiəçi “Bakı”dakı taleyinə hələ aydınlıq gəlmədiyini söyləyib: “Mahmud mənə dedi ki, “Bakı”dan ayrılacağı halda, “Gəncə”yə keçə bilər. Biz də onun transferində maraqlıyıq. O, Gəncənin “Kəpəz” klubunun heyətində 3 dəfə çempion, 2 dəfə ölkə kubokunu qazanıb. Növbəti mövsüm üçün iddialı komanda formalaşdırmaq niyyətindəyik. Qurbanovun komandamıza faydalı olacağını düşünürəm. Amma hər şey danışıqların gedişindən asılı olacaq”.

Mahmud Qurbanov da Lent.az-a açıqlamasında belə bir variantı istisna etməyib. O, hələ “Gəncə” ilə danışıqlara başlamadığını söyləyib.

Qeyd edək ki, Mahmud Qurbanov Azərbaycanın ən titullu futbolçusu sayılır. O, karyerası ərzində AFFA-nın versiyasına əsasən, 10 dəfə çempion, 5 dəfə kubokunun sahibi olub.

Elşən MƏMMƏDOV
# 644

Oxşar yazılar