Oleq Bloxin yenidən Ukrayna millisində!
21 aprel 2011 17:29 (UTC +04:00)

Oleq Bloxin yenidən Ukrayna millisində!

Lent.az-ın “Sport Ekspress Ukrayna”ya istinadən verdiyi məlumata görə, Ukrayna Futbol Federasiyasının İcraiyyə Komitəsinin iclasında yeni baş məşqçi təyinatı ilə bağlı səsvermə keçirilib.

Səslərin çoxunu Ukraynanın gənclər yığmasının baş məşqçisi Pavel Yakovenko qazanıb. Lakin Yakovenko 2011-ci il Avropa çempionatının final mərhələsinə qazanan və 2012-ci il London Yay Olimpiadasında iştirak şansları olan hazırkı komandasında işini davam etdirməyə üstünlük verib. Səs sayında ikinci yeri Bloxin tutub. 59 yaşlı mütəxəssis yaxın vaxtlarda yeni baş məşqçi kimi rəsmən ictimaiyyətə təqdim olunacaq.

Qeyd edək ki, Oleq Bloxin 2003 – 2007-ci illərdə də Ukrayna millisinin baş məşqçisi olub. Bu komanda Bloxinin rəhbərliyi altında tarixində ilk dəfə 2006-cı il dünya çempionatında iştirak edib və ¼ finaladək irəliləyib.
# 642

Oxşar yazılar