Aleks Ərdoğandan Türkiyə vətəndaşlığı istəyib

Lent.az-ın məlumatına görə, görüşdə Aleks Türkiyə vətəndaşlığını qəbul etmək istəyini Ərdoğana çatdırıb.

Baş nazir isə “Yeni adını müəyyənləşdirmisən?” sualı verib. Bu sual salonda gülüşlə qarşılanıb. Yıldırım Ərdoğana “Fənərbağça”nın 4 ədəd formasını hədiyyə edib. Türkiyə hökumətinin başçısı isə qonaqlarına qalstuk bağışlayıb.

Qeyd edək ki, Aleks de Souza “Fənərbağça”da 2004-2005-ci il mövsümündən çıxış edir. O, 7 mövsüm ərzində klubun formasını 200-dən çox oyunda geyinərək, bu göstəricidə digər legionerləri arxada qoyub. “Fənər”in Superliqanın 13-cü turunda “Bucaspor”un qapısından keçirdiyi 3000-ci qolunun müəllifi də Aleks olub. 13-cü turda “Qaziantepspor”la matçda isə 34 yaşlı hücumçu 100-cü qolunu vurub. “Sambaçı” 2006-2007-ci il mövsümündə 19 qolla bombardir olub və klub tarixində ilk ən məhsuldar legioner ünvanına yiyələnib. Aleks bu mövsüm 19 qolla snayperlər siyahısına başçılıq edir. O, Avropa kuboklarında da bombardir keyfiyyətlərini nümayiş etdirib. De Souza 57 matçda 14 qol vurub. Braziliyalı forvard həm də Türkiyə klublarının avrokuboklarda ən çox qol vuran və ən çox oynayan legioneridir.