Unibank Premyer Liqası: Son çempion da belə getdi...

Lent.az-ın məlumatına görə, ilk “6-lıq”dakı görüşlərdən sonra çempionluq uğrunda mübarizəni davam etdirəcək klubların sayı 4-ə enib.

Ölkə kubokunun son qalibi “Bakı”nın ardından qızıl medalların ötənilki sahibi “İnter” də çempionluqdan rəsmən əlini üzüb. Qalan 5 turda birincilik uğrunda mübarizə “Neftçi”, “Xəzər Lənkəran”, “Qarabağ” və AZAL arasında gedəcək. Amma “Neftçi”nin çempionluq şansları xeyli yüksəlib. Buna flaqmanın AZAL üzərində qələbəsinə rəğmən, “Xəzər Lənkəran”la “Qarabağ”ın müvafiq olaraq, “İnter” və “Bakı” ilə görüşlərdə xal itirməsi səbəb olub. Nəticədə, “Neftçi” ilə ən yaxın rəqibi “Xəzər Lənkəran” arasındakı xal fərqi 8-ə yüksəlib. “Bakı”nın futbolçusu Mahmud Qurbanov isə “Qarabağ”la görüşdə meydançaya çıxmaqla, Azərbaycan çempionatları tarixində 400-cü oyununu keçirib.

İkinci “6-lıq”dakı görüşlərdə isə gözlənilməz nəticə qeydə alınmayıb. “Qəbələ” “Simurq”u darmadağın edib, “Muğan” “Turan”ı yenib. “Gəncə” isə Mehman Allahverdiyevin rəhbərliyi altında ilk qələbəsini Bakıda MOİK üzərində qazanıb.

16 aprel (şənbə)

“Muğan” (Salyan) – “Turan” (Tovuz) – 2:1
Samuel Barlay, 14. Angel Qutierrez, 20 - Cavid Tağıyev, 5

“Bakı” – “Qarabağ” (Ağdam) – 0:0

“Xəzər Lənkəran” – “İnter” (Bakı) – 1:1
Uinston Parks, 18 - David Odikadze, 28

17 aprel (bazar)

MOİK (Bakı) – “Gəncə” (Bakı) – 0:2
Armand Feutçine, 4. Sabir Allahquliyev, 18

“Qəbələ” – “Simurq” (Zaqatala) – 3:0
Milan Antiç, 34. Lyuba Baranin, 55. Kristian Torres, 88

“Neftçi” (Bakı) – AZAL (Bakı) – 2:1
Rəşad Abdullayev, 49. Emil Mpenza, 51 - Zohair Benuahi, 6

Turnir cədvəli

	Komanda	O	Q	H	M	Qollar	Xallar
1	Neftçi	27	17	8	2	47-12	59
2	Xəzər Lənkəran	27	14	9	4	30-15	51
3	Qarabağ	27	15	5	7	33-16	50
4	AZAL	27	12	9	6	31-19	45
5	İnter	27	12	7	8	27-22	43
6	Bakı	27	9	9	9	29-24	36
7	Qəbələ	27	11	9	7	28-17	42
8	Muğan	27	9	8	10	21-28	35
9	Gəncə	27	6	11	10	27-31	29
10	Turan	27	6	6	15	21-39	24
11	Simurq	27	3	6	18	15-43	15
12	MOİK	27	2	5	20	9-52	11