Mourinyonun 150 oyundan sonra ilk məğlubiyyəti

Bunlar Portuqaliyanın “Portu”, İngiltərənin “Çelsi”, İtaliyanın “İnter” və İspaniyanın “Real Madrid” klublarıdır. İndiyədək bu komandalar heç vaxt Mourinyonun başçılığı altında öz ölkələrinin çempionatlarında doğma meydançalarındakı oyunda uduzmayıblar. Sonuncu dəfə 2002-ci ilin fevralında “Portu” “ev”ində yenilib. Həmin tarixdən indiyədək Mourinyonun komandaları doğma meydanda düz 150 oyuna çıxıblar və heç birində məğlub olmayıblar. Lakin İspaniya çempionatında “Real Madrid”in baş məşqçisi qismində 151-ci ev oyununda məşhur mütəxəssis “Santyaqo Bernabeu”da “Sportinq”ə yenilib – 0:1. Bu məğlubiyyət “kral klubu”nun İspaniya çempionatında çempionluq perspektivinə kölgə salıb. Çempionatın sonuna 8 tur qalmış “Real Madrid” lider “Barselona”dan 8 xal geridə qalır.

Mourinyo da “Real Madrid”in çempionluq şanslarının tükəndiyi fikri ilə razılaşıb: “Riyazi baxımdan çempionluq hələ əldən getməyib. Amma obyektivliyə qalsa, xal fərqi 8-ə çatanda onu aradan qaldırmaq çətin olur. Uğur futbolun bir hissəsidir. Rəqiblərimizin bəxti çox gətirdi. Bizimki isə yox”.