Azərbaycan yığmasına bolqarıstanlı və ukraynalı legionerlər cəlb olunub
02 aprel 2011 13:32 (UTC +04:00)

Azərbaycan yığmasına bolqarıstanlı və ukraynalı legionerlər cəlb olunub

Bu haqda Lent.az-a yığmamızın baş məşqçisi Yanko Rusev məlumat verib.

Onun sözlərinə görə, həmin idmançılar bolqarıstanlı Valentin Xristovla ukraynalı Yuliya Dovqaldır. Xristov 56 kq, Dovqal isə 75 kq-dan yuxarı çəkidə çıxış edəcək. Artıq ukraynalıya milli pasport da alınıb. Bolqarıstanlının da vətəndaşlığını dəyişmə məsələsi rəsmiləşsə, o da Dovqalla birgə aprelin 11-də Rusiyanın Kazan şəhərində start götürəcək böyüklər arasında Avropa çempionatında iştirak edəcək.

Hələlik kişilərdən Elmar Alıyev (56 kq), Sərdar Həsənov (69 kq), Namiq Cəmilov (85 kq), qadınlardan isə Silviya Angelova (48 kq), Səbinə Rzayeva (69 kq) və Rumyana Petkovanın (75 kq) qarşıdakı yarışda iştirakı dəqiqdir.

Qeyd edək ki, Azərbaycan tarixində ilk dəfə qadınlar ölkəmizi Avropa çempionatında 4 çəki dərəcəsində təmsil edəcəklər.

Elşən MƏMMƏDOV
# 513

Oxşar yazılar