Berti Foqts istefa verməyə hazırdır

Lent.az-ın məlumatına görə, almaniyalı mütəxəssis millimizin Belçika yığmasına 1:4 hesabı ilə uduzduğu 2012-ci il Avropa çempionatının seçmə qrup matçından sonra bu barədə açıqlama verib.

“İstefa? Problem yoxdur, lazımdırsa, gedə bilərəm! Bunu tələb edirlərsə, mənim heç bir problemim yoxdur” - deyə, Foqts bildirib. Lakin o, istefa qərarını AFFA-nın qəbul etdiyini də xatırladıb.

Baş məşqçi Belçika yığmasını qələbə münasibətilə təbrik edib. Onun fikrincə, “qırmızı şeytanlar” buna layiq idilər: “Onlar bizdən üstün idi. Sürətli oynadılar. Avstriya yığmasına qalib gələndən sonra meydana arxayın çıxmaları hiss olunurdu. İlk qolu buraxdıqdan sonra öz oyunumuzu tapa bildik, hesabı bərabərləşdirdik, yaxşı oynadıq. Ancaq lazımsız penalti oyunun axarını dəyişdirdi. İkinci hissədə kombinasiyalı oynadıq. Son ötürmə alınmırdı. Öz səhvlərimizdən qol buraxdıq. Belçika yığmasının qrupumuzda 2-ci ən güclü komanda olduğunu düşünürəm”.