Əzəli rəqiblərin oyununda arzuolunmaz hakim

Futbol üzrə NBC Bank Azərbaycan kubokunun 1/4 final mərhələsinin görüşlərinə təyinat almış hakimlər açıqlanıb. Lent.az-ın məlumatına görə, Unibank Premyer Liqasının XXI turunun “Xəzər Lənkəran” – AZAL matçında səhvə yol verən beynəlxalq dərəcəli hakim Fariz Yusifova yenə oyun verilməyib.

Digər FİFA referisi Vüsal Əliyev “Abşeron” – “İnter” qarşılaşmasının ehtiyat hakimi olacaq. Əvəzində “Neftçi” – “Xəzər Lənkəran” matçını Anar Salmanov idarə edəcək. Beynəlxalq dərəcəli hakim uzun müddətdən sonra “Xəzər Lənkəran”ın oyununa təyinat alıb. O, sonuncu dəfə 2010-cu il sentyabrın 18-də Lənkəran komandasının “Muğan”la Salyandakı matçının baş hakimi olub. Həmin oyundakı idarəçiliyi cənubluların kəskin etirazı ilə qarşılanıb. O vaxtdan gənc FİFA referisi “Xəzər Lənkəran”ın iştirakı ilə keçirilən qarşılaşmalara hətta ehtiyat hakim qismində də təyinat almayıb.

2 mart (çərşənbə)

16:00. AZAL (Bakı) – “Turan” (Tovuz)
Hakimlər: Ramil Diniyev, Coşqun Həsənov, Munis Abdullayev, Rauf Cabbarov
AFFA nümayəndəsi: Vaqif Məmmədov
Hakim-inspektor: Şahin Cəfərov
“Şəfa” stadionu.

3 mart (cümə axşamı)

14:00. “Abşeron” (Bakı) – “İnter” (Bakı)
Hakimlər: Əfqan Həmzəyev, Roman Vasilyev, İsgəndər Əliyev, Vüsal Əliyev
AFFA nümayəndəsi: Vaqif Davudov
Hakim-inspektor: Səfər Haşımov
“Şəfa” stadionu.

14:00. “Qəbələ” – “Bakı”
Hakimlər: Rövşən Əhmədov, Vaqif Musayev, Mehman Mahmudov, Əliyar Ağayev
AFFA nümayəndəsi: Əsgər Əmirəliyev
Hakim-inspektor: Xaqani Məmmədov
Qəbələ şəhər stadionu.

18:00. “Neftçi” (Bakı) – “Xəzər Lənkəran”
Hakimlər: Anar Salmanov, Azər Əsgərov, Eldar Nağıbəyov, Elçin Məmmədov
AFFA nümayəndəsi: Elbrus Abbasov
Hakim-inspektor: Murad Məmmədov
Tofiq Bəhramov adına Respublika Stadionu.