Ruud Qullit “Terek”də

Lent.az-ın klubun rəsmi saytına istinadən verdiyi məlumata görə, Çeçenistan Respublikasının və "Terek"in prezidenti Ramzan Kadırov bu posta Ruud Qulliti təsdiqləyib.

Qullitlə hələlik ilyarımlıq müqavilə bağlanılıb. Onun qarşısına Rusiya Premyer Liqasında 30 turdan sonra ilk "8-liy"ə, 2011-2012-ci il mövsümündə isə Avropa kuboklarına düşmək məqsədi qoyulub.

Qeyd edək ki, Ruud Qullit böyük uğurlara daha çox futbolçu karyerası ərzində imza atıb. Qullit 1987-ci ildə "Qızıl top" alıb və "World Soccer" jurnalı tərəfindən ən yaxşı futbolçu sayılıb. O, 1988-ci ildə Hollandiya millisinin tərkibində Avropa çempionu olub, 48 yaşlı mütəxəssis İngiltərənin "Çelsi", "Nyukasl", Hollandiyanın gənclər yığması, "Feyenord" və ABŞ-ın "Los-Anceles Qalaksi" klublarının baş məşqçisi kimi çalışıb.

Ötən mövsüm "Terek"in baş məşqçisi Anatoli Baydaçnı, onun köməkçisi isə azərbaycanlı mütəxəssis Şahin Diniyev olub.