“Bakı” Lənkərana gedir

Dekabrın 6-da futbol üzrə Topaz Premyer Liqasının VI turundan təxirə salınmış 1 oyun keçiriləcək. Lent.az-ın məlumatına görə, mövsüm ərzində qeyri-sabit çıxışları ilə seçilən “Xəzər Lənkəran” və “Bakı” klubları üz-üzə gələcəklər.

Lənkəran şəhər mərkəzi stadionunda oynanılacaq qarşılaşma saat 17:00-da başlanacaq.

Qeyd edək ki, hazırda “Xəzər Lənkəran” 14 oyuna 19 xalla 8-ci, “Bakı” isə 13 görüşdən 16 xalla 10-cu pillədə qərarlaşıb.