AFFA-nın bir komitəsi digərinin qərarını dəyişdirdi
AFFA-nın Apellyasiya və Ekspert Komitəsi İntizam Komitəsinin daha 2 qərarını dəyişdirib. Lent.az-ın məlumatına görə, bu dəfə “Kəpəz” klubunun baş məşqçisi Mahmud Qurbanov və “Qəbələ”nin futbolçusu Rəşad Abdullayevin cəzası yüngülləşdirilib.
Qurbanov 5 oyunluq cəzasının 2-sini texniki zonadan, Abdullayev isə 2 matçlıq diskvalifikasiyasının 1 görüşünü meydandan kənarda keçirəcək. Baş məşqçi daha 3 oyunluq, futbolçu isə daha 1 matçlıq cəzadan 6 aylıq sınaq müddəti tətbiq edilməklə azad olunublar. Bu müddət ərzində onlar analoji hərəkətlərə yol verəcəkləri təqdirdə, intizam tədbiri hazırkı azad olunmuş cəzaya əlavə olunacaq.
Qeyd edək ki, Mahmud Qurbanov Topaz Premyer Liqasının XIV turunda “Xəzər Lənkəran”la görüş zamanı hakimləri təhqir edib. Rəşad Abdullayev isə həmin tur “Rəvan”la matçda kobud oyuna görə birbaşa qırmızı vərəqə alıb.
Qurbanov 5 oyunluq cəzasının 2-sini texniki zonadan, Abdullayev isə 2 matçlıq diskvalifikasiyasının 1 görüşünü meydandan kənarda keçirəcək. Baş məşqçi daha 3 oyunluq, futbolçu isə daha 1 matçlıq cəzadan 6 aylıq sınaq müddəti tətbiq edilməklə azad olunublar. Bu müddət ərzində onlar analoji hərəkətlərə yol verəcəkləri təqdirdə, intizam tədbiri hazırkı azad olunmuş cəzaya əlavə olunacaq.
Qeyd edək ki, Mahmud Qurbanov Topaz Premyer Liqasının XIV turunda “Xəzər Lənkəran”la görüş zamanı hakimləri təhqir edib. Rəşad Abdullayev isə həmin tur “Rəvan”la matçda kobud oyuna görə birbaşa qırmızı vərəqə alıb.
983