UEFA “Şaxtyor”un futbolçusunu cəzalandırdı
28 noyabr 2012 11:24 (UTC +04:00)

UEFA “Şaxtyor”un futbolçusunu cəzalandırdı

UEFA İntizam Komitəsi Ukraynanın “Şaxtyor” klubunun futbolçusu Luis Adrianonu cəzalandırıb. Lent.az-ın məlumatına görə, braziliyalı hücumçu Danimarka “Nordşelland”ı ilə Çempionlar Liqası matçında “fair-play” prinsipini pozduğu üçün 1 matçlıq diskvalifikasiya olunub.

O, sonuncu turda İtaliya “Yuventus”una qarşı ev oyununu buraxmalı olacaq. Eyni zamanda “sambaçı” bir gününü futbol ictimaiyyətinin xidmətində keçirəcək.

Qeyd edək ki, Luis Adriano “Nordşelland”la görüşün 26-cı dəqiqəsində topu rəqibə vermək əvəzinə qapıçı ilə təkbətək çıxıb və qol vurub. Görüş “Şaxtyor”un qələbəsi ilə nəticələnib. “Yuventus”la qarşılaşma dekabrın 5-də Ukraynanın Donetsk şəhərindəki “Donbass Arena”da baş tutacaq.
1 2 3 4 5 İDMAN XƏBƏRLƏRİ
# 1032

Oxşar yazılar