Topaz Premyer Liqası: “Simurq” liderliyini möhkəmlətdi – TURNİR CƏDVƏLİ

Oktyabrın 4-də futbol üzrə Topaz Premyer Liqasında VIII turun daha 3 oyunu keçirilib. Lent.az-ın məlumatına görə, Zaqatalanın “Simurq” klubu son 2 oyunu qələbə ilə başa vurmuş “Sumqayıt”ı yenərək, liderliyini möhkəmlədib.

Zaqatala şəhər stadionunda baş tutmuş qarşılaşmada yeganə topu 64-cü dəqiqədə Marko Bojiç vurub. Bu qələbədən sonra “Simurq” ən yaxın izləyicisi “Qarabağ”la xal fərqini 5-ə çatdırıb. Amma 12 xalla 3-4-cü yerləri bölüşdürən AZAL və “İnter”in ehtiyatda bir oyunu var.

Günün daha bir matçında “İnter” səfərdə “Rəvan”a qalib gəlib – 2:0. Qolları Nizami Hacıyevlə Baçana Tsxadadze vurub. Bu, Kemal Alispahiçin “Rəvan”ın baş məşqçisi qismində ikinci oyununda ikinci məğlubiyyəti olub.

“Bakı” 10 nəfərlə qalan “Qəbələ” ilə 1:1, “Kəpəz” isə “Qarabağ”la 0:0 hesablı heç-heçəyə nail olub. “Xəzər Lənkəran” isə ardıcıl 3 məğlubiyyətdən sonra səfərdə AZAL-ı yenib – 2:0

4 oktyabr (cümə axşamı)

“Rəvan” (Bakı) – “İnter” (Bakı) – 0:2
Qollar: Nizami Hacıyev, 27. Baçana Tsxadadze, 61

“Simurq” (Zaqatala) – “Sumqayıt” – 1:0
Qol: Mario Bojiç, 63

“Bakı” – “Qəbələ” – 1:1
Qollar: Aleksandar Şoliç, 59 - Viktor Mendi, 14
Qırmızı vərəqə: Rövşən Əmiraslanov, 43 (“Qəbələ”)

“Kəpəz” (Gəncə) – “Qarabağ” (Ağdam) – 0:0

3 oktyabr (çərşənbə)

AZAL (Bakı) – “Xəzər Lənkəran” – 0:2
Qollar: Adrian Skarlatake, 41; 45

Qeyd edək ki, turun “Neftçi” – “Turan” matçı oktyabrın 8-də keçiriləcək.

	komandalar	o	q	h	m	t	x
1	Simurq	8	5	3	0	11-2	18
2	Qarabağ	8	3	4	1	11-8	13
3	AZAL	7	3	3	1	13-7	12
4	İnter	7	3	3	1	7-4	12
5	Sumqayıt	8	3	1	4	9-16	10
6	Qəbələ	8	2	3	3	8-10	9
7	Xəzər L	7	2	2	3	9-7	8
8	Turan	7	2	1	4	7-11	7
9	Kəpəz	8	2	1	5	6-14	7
10	Bakı	6	1	4	1	6-5	7
11	Neftçi	4	2	0	2	7-5	6
12	Rəvan	8	1	3	4	7-12	6