Topaz Premyer Liqası: 2 heç-heçə 4 komandanı irəli saldı

Lent.az-ın məlumatına görə, “Bakı” öz təlim-məşq bazasında “Qəbələ”ni, “Kəpəz” isə Gəncə şəhər stadionunda “Qarabağ”ı qəbul edib.

Hər iki oyun heç-heçə ilə nəticələnib. “Qarabağ” ötən tur “Simurq”la matçda olduğu kimi, yenə qolsuz bərabərliyə razılaşıb. Paytaxtdakı qarşılaşmada isə tərəflər hərəyə 1 dəfə fərqləniblər. Bu matçda hesabı “Qəbələ”nin hücumçusu Viktor Mendi açıb. Lakin ilk yarının sonlarından qonaq komandanın futbolçusu Rövşən Əmiraslanov ikinci sarı vərəqə alaraq, meydandan kənarlaşdırılıb. “Bakı” ikinci hissədə say üstünlüyündən yararlanmağı bacarıb. Aleksandr Şoliçin zərbəsi dəqiq olub.

Bu nəticələrdən sonra komandaların hər biri turnir cədvəlində irəliləyib. Xallarını 13-ə çatdıran “Qarabağ” 2-ci, “Qəbələ” 9 xalla 5-ci, 7 xala malik “Kəpəz” 9-cu, “Bakı” isə 10-cu pilləyə qalxıb.

3 oktyabr (çərşənbə)

AZAL (Bakı) – “Xəzər Lənkəran” – 0:2
Qollar: Manuel Skarlatake, 41; 45

4 oktyabr (cümə axşamı)

“Kəpəz” (Gəncə) – “Qarabağ” (Ağdam) – 0:0

“Bakı” – “Qəbələ” – 1:1
Qollar: Aleksandr Şoliç, 59 – Viktor Mendi, 13
Qırmızı vərəqə: Rövşən Əmiraslanov, 43 (“Qəbələ”)

18:00. “Simurq” (Zaqatala) – “Sumqayıt”
Hakimlər: Cabbarov Rauf, Əsədov Ramiz, Əliyev İsgəndər, Əhmədov Tahir
Zaqatala şəhər stadionu

19:00. “Rəvan” (Bakı) – “İnter” (Bakı)
Hakimlər: Həsənov Rəhim, Abdullayev Munis, Əmiraslanov Knyaz, Feyzullayev Feyzulla
Bakı. “Bayıl Arena”.