Şakira şübhələrə son qoydu - FOTO

Lent.az-ın məlumatına görə, kolumbiyalı meqastar öz “twitter” səhifəsində bu barədə mesaj yayımlayıb.

O yazıb: “Oktyabrın 13-14-də Bakıda şou gözləyirik. Tezliklə üz-üzə görüşənədək. Şak”. Bundan başqa Şakira rəsmi səhifəsində Bakıda çıxış edəcəyi məkanları göstərib. Müğənni əvvəlcə oktyabrın 13-də Tofiq Bəhramov adına Respublika stadionunda baş tutacaq 17 yaşadək futbolçu qızlar arasında dünya çempionatının final matçında oxuyacaq. Ertəsi gün isə o, “Baku Crystall Hall”da konsert verəcək. Lakin İspaniya “Barselona”sında çıxış edən futbolçu sevgilisi Xerard Pikenin də Azərbaycan paytaxtına gəlib-gəlməyəcəyi məlum deyil.

Bir neçə gün öncə Şakira Pikedən hamilə qaldığını açıqlayıb. Bundan sonra estrada ulduzunun Bakıya gəlişinin sual altına düşdüyü bildirilirdi. Lakin Şakira “twitter”dəki yazısı ilə bütün şübhələrə son qoyub.

Qeyd edək ki, çempionatın final matçı saat 20:00-da, “Baku Crystall Hall”dakı konsert isə saat 21:00-da başlanacaq.