Olimpiada-2012: Daha 23 dəst medal - SİYAHI

Lent.az-ın məlumatına görə, medallardan 2-ni Azərbaycan idmançıları qazana bilər.

Bakı vaxtı ilə saat 13:30-da Sergey Bezuqlıy – Maksim Prokopenko dueti 2 nəfərlik kanoe qayığı ilə 1000 metr məsafəyə final yürüşündə çıxış edəcək. Seçmə mərhələni lider kimi başa vuraraq, birbaşa finala yüksələn cütlüyümüzün rəqibi 7 ölkə təmsilçiləri - Liviu Lazar-Dumitresku – Viktor Mixalaki (Rumıniya), Yaroslav Radon – Filip Dvoryak (Çexiya), Aleksey Korovaşkov – İlya Pervuxin (Rusiya), Maosinq Huanq – Li Kianq (Çin), Andrey Baqdanoviç – Aleksandr Baqdanoviç (Belarus), Serxuey Torres – Xose Karlos Bulnes (Kuba) və Peter Kretşmer - Kurt Kuşela (Almaniya) dueti olacaq.

Qadın güləşçimiz Yuliya Ratkeviç saat 17:21-də ilk görüşünə çıxacaq. 55 kq çəki dərəcəsində yer alan pəhləvanımız mübarizəyə 1/8 finaldan başlayacaq. Onun rəqibi yunanıstanlı Maria Prevolaraki olacaq.

Bədii gimnastımız Aliyə Qarayeva isə fərdi çoxnövçülük mübarizəsinə başlayacaq. O, saat 16:00-da halqa ilə çıxış edəcək. Qarayeva 24 iştirakçı arasında yer alıb. Saat 17:18-də gimnastımız topla nəyə qadir olduğunu göstərəcək. Gürz və iplə hərəkətlər isə avqustun 10-da olacaq. 4 hərəkətin cəmində ən çox xal toplayacaq 10 idmançı final mərhələsinə vəsiqə qazanacaq. Həlledici mərhələ avqustun 11-də baş tutacaq.

Günün medal dəstləri:

13:30. Kayak və kanoe qayıqlarında avarçəkmə. 2 nəfərlik kanoe qayığı. Kişilər. 1000 metr (Sergey Bezuqlıy – Maksim Prokopenko)
13:50. Kayak və kanoe qayıqlarında avarçəkmə. 4 nəfərlik kayak qayığı. Kişilər. 1000 metr
14:10. Kayak və kanoe qayıqlarında avarçəkmə. 1 nəfərlik kayak qayığı. Qadınlar. 500 metr
14:35. Kayak və kanoe qayıqlarında avarçəkmə. 2 nəfərlik kayak qayığı. Qadınlar. 500 metr
16:00. Açıq suda üzgüçülük. Qadınlar. 10 km
16:30. Atçılıq idmanı. Şəxsi birincilik. Qarışıq
17:00. Yelkən idmanı. Kişilər. “470”
20:30. Boks. Qadınlar. 51 kq
20:45. Boks. Qadınlar. 60 kq
21:15. Boks. Qadınlar. 75 kq
22:15. Qadın güləşi. 55 kq (Yuliya Ratkeviç)
22:15. Qadın güləşi. 72 kq
23:00. Suyatullanma. Qadınlar. Qüllə
23:20. Atletika. Kişilər. 3 təkanla tullanma
23:45. Futbol. Qadınlar
00:00. Atletika. Kişilər. 800 metr
00:00. Su polosu. Qadınlar
00:55. Atletika. Kişilər. 200 metr
01:00. Çimərlik voleybolu. Kişilər
01:00. Atletika. Qadınlar. Nizəatma
01:20. Atletika. Kişilər. Onnövçülük
02:15. Taekvondo. Qadınlar. 57 kq
02:30. Taekvondo. Kişilər. 68 kq.