Zərdabda "cip" aşdı: ölənlər var - YENİLƏNİB

Bu gün Zərdabda yol qəzasında xəsarət alan 4 nəfərdən biri dünyasını dəyişib.

Lent.az APA-ya istinadla bildirir ki, xəsarət alan Mütəllim Mütəllimov həkimlərin səyinə baxmayaraq, Zərdab Rayon Mərkəzi Xəstəxanasında ölüb.

***

10:56

Zərdabda yol qəzasında ölən ve xəsarət alanların adları açıqlanıb.

Lent.az APA-ya istinadla xəbər verir ki, hadisə nəticəsində 2 nəfər - Nəsibov Rasim Yaqub oğlu və Nəsibova Paket Kamran qızı ölüb, 4 nəfər - Vidadi Nəsibov, Vəkil Abışov, Ramilə Baxışova və Umud Mütəllimov xəsarət alıb.

***
10:10

Zərdabda ölümlə nəticələnən yol qəzası olub.

Lent.az APA-ya istinadla bildirir ki, hadisə Əlvəd kəndi ərazisində qeydə alınıb.

“Hyundai Santa Fe” markalı avtomobil idarəetmədən çıxaraq su kanalına aşıb. İlkin məlumata görə, 2 nəfər ölüb, 3 nəfər xəsarət alıb.

Fakt araşdırılır.