Zaqatalda fərdi yaşayış evi yanıb.
APA-nın şimal-qərb bürosunun məlumatına görə, yanğın saat 04:35-də rayonun Kəpənəkçi kəndində Pərviz İsmayıl oğlu Qurbanəliyevə məxsus, ümumi sahəsi 80 kv/m olan, birmərtəbəli, 2 otaqdan ibarət fərdi yaşayış evində baş verib.
Yanğının söndürülməsi üçün əraziyə Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin texnikaları və şəxsi heyətləri cəlb edilib. Yanğın nəticəsində evin yanar konstruksiyaları içərisində əşyalarla birlikdə yanıb. Yanğın zamanı xəsarət alan olmayıb. İlkin ehtimala görə, yanğına səbəb elektrik naqillərinə baş verən qısaqapanma olub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
