Yaşlı qadın kanalizasiya quyusuna düşdü

Tərtərdə yaşlı qadın kanalizasiya quyusuna düşüb.

Lent.az xəbər verir ki, hadisə Bərdə-Ağdam yolunun məcburi köçkünlərin məskunlaşdığı Dördyol qəsəbəsi ərazisindən keçən hissəsində qeydə alınıb.

Bərdə rayonu, Dəymədağlı kənd sakini 68 yaşlı İbrahimova Leyla Hüseyn qızı yol kənarından dəmir qutu toplayarkən su-kanalizasiya quyusuna düşüb. Hadisə yerinə cəlb olunan FHN-nin Qarabağ Regional Mərkəzinin xüsusi xilas ediciləri qadını düşdüyü quyudan çıxarıb. Müxtəlif bədən xəsarəti alan yaşlı qadın daha sonra xəsdəxanaya çatdırılıb.