Yanan oteldə qalan tanınmış jurnalist və ailəsi həyatını itirdi

Bolu Kartalkayadakı Grand Kartal otelində tətildə olduqları bildirilən və səhər saatlarından xəbər alınmayan “Sözcü” qəzetinin yazarı Nedim Türkmen və ailəsinin yanğında həyatını itirdiyi öyrənilib.

Lent.az-ın məlumatına görə, Türkiyənin aparıcı turizm bölgələrindən olan Boluda Kartalkaya xizək kurortunda yerləşən “Grand Kartal” otelində gecə saatlarında yanğın baş verib. İlkin məlumata görə, yanğın zamanı 66 nəfər həyatını itirib, 51 nəfər yaralanıb.

Təxminən 10 saatlıq müdaxilədən sonra yanğın nəzarət altına alınarkən, "Sözcü" qəzetinin yazarı Nedim Türkmenin fəlakətin baş verdiyi oteldə qaldığı öyrənilib. Ailəsi ilə birlikdə oteldə saatlarla qalan Türkməndən xəbər olmadığı açıqlanıb.

Sonrakı saatlarda Türkmən və ailəsindən üzücü xəbər gəlib. Yanğında həyatını itirən 66 nəfər arasında Nedim Türkmen, həyat yoldaşı və iki uşağının olduğu açıqlanıb.