Zaqatala rayonunda eyni it bir gündə 3 nəfəri qapıb.
Zaqatala rayon Polis Şöbəsindən APA-nın Şəki-Zaqatala bürosuna verilən məlumata görə, hadisə rayonun Gözbaraq kəndində baş verib.
Yanvar ayının 12-də günorta saatlarında sahibsiz it bir saat ərzində kəndin 3 sakinini, 1979-cu il təvəllüdlü Ramazanov Arif Çetov oğlunu, 2005-ci il təvəllüdlü Vəliyev Rafiq Rövşən oğlunu və 1989-cu il təvəllüdlü Əliyev Səxavət Kərim oğlunu qapıb.
Hər üç sakin Zaqatala Mərkəzi Rayon Xəstəxanasında (MRX) quduzluğa qarşı peyvənd edildikdən sonra evlərinə buraxılıblar.
Kənd sakinləri iti tələf ediblər.
Rayon baytarlarının müayinəsindən sonra itdə quduzluq əlamətlərinin olub-olmadığı müəyyən ediləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
