Yevlaxda ikimərtəbəli ev yandı

Yevlaxda yanğın hadisəsi qeydə alınıb.

Lent.az-ın Fövqəladə Hallar Nazirliyinin saytına istinadən verdiyi məlumata görə, Yevlax rayonu, Aşağı Qarxun kəndində (rayon mərkəzindən 10 km aralı) vətəndaşa məxsus ümumi sahəsi 154 kv.m olan ikimərtəbəli 4 otaqlı evin 2-ci mərtəbəsinin yanar konstruksiyaları 77 kv.m sahədə yanıb.

Evin qalan hissəsi yanğından mühafizə olunub. Yanğın saat 19:54-də yanğınsöndürənlər tərəfindən söndürülüb.