Bu gün Qazax rayonunda yanacaqdoldurma məntəqəsinə basqın olub. Rayon Polis Şöbəsindən Lent.az-a verilən məlumata görə, Birinci Şıxlı kəndində üzünə maska taxmış naməlum şəxs ov tüfəngi ilə kənd ərazisindəki yanacaqdoldurma məntəqəsinə hücum edib. Həmin şəxs məntəqədə operator işləyən 37 yaşlı Akif Hüseynovu hədələyərək yerə uzanmasını və pulların yerini deməsini tələb edib. Lakin A.Hüseynov özünü itirməyib və maskanı həmin adamın üzündən çıxarmağa nail olub. Tanınacağını görən maskalı şəxs silahını da götürərək qaçıb.
Aparılan əməliyyat-axtarış tədbirləri nəticəsində hadisəni törətmiş Birinci Şıxlı kənd sakini 51 yaşlı Oruc Mahmudov tutulub. Məlum olub ki, o yanacaqdoldurma məntəqəsinə hücum edərkən sərxoş vəziyyətdə olub.
Faktla əlaqədar araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
