Bakı sakini Şirvanda narkotiklə tutuldu

Bakı sakinindən narkotik götürülüb.

Daxili İşlər Nazirliyi mətbuat xidmətinin Şirvan regional qrupundan Lent.az-a verilən məlumata görə, daxil olan məlumat əsasında Şirvan şəhər Polis Şöbəsinin əməkdaşları narkotik vasitələrin qanunsuz dövriyyəsi ilə əməliyyat-axtarış tədbirləri keçiriblər. Nəticədə şübhəli bilinən paytaxt sakini Naim Süleymanov saxlanılıb. Onun üzərində şəxsi axtarış keçirilən zaman ümumi çəkisi 33 qram olan heroin aşkar olunaraq götürülüb.

Faktla bağlı Şirvan şəhər Polis Şöbəsinin İstintaq bölməsində araşdırma aparılır.