Şəki şəhərində avtomobildə meyit aşkarlanıb. Şəki Şəhər-Rayon Polis Şöbəsindən rədə APA-nın Şəki-Zaqatala bürosuna verilən məlumata görə, hadisə şəhərin M. Ə. Rəsulzadə prospektində, Dram Teatrının qarşısında qeydə alınıb. Şəki şəhər sakini, 1957-ci il təvəllüdlü Abdullayev Natiq Əyyub oğlunun meyiti idarə etdiyi “VAZ 2106” markalı, 10 HO 137 dövlət nömrə nişanlı avtomobildə sükan arxasında tapılıb.
Hadisə yerinə Şəki şəhər Təcili Tibbi Yardım Stansiyasının əməkdaşları və polislər gəlib. İlkin müayinə zamanı meyitin üzərində heç bir zorakılıq əlaməti aşkarlanmayıb. Onun ürək tutmasından öldüyü ehtimal olunur.
N.Abdullayev şəhərdə taksi sürücüsü kimi çalışıb. Faktla bağlı Şəki şəhər Prokurorluğunda araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
