GÜNÜN ŞƏRHİ
Məncə NATO-nun baş katibinin bu qərarını obyektiv adlandırmaq olar. Niyə? Çünki NATO bu qərarı ilə ilk növbədə öz tərəfsizliyini, ən başlıcası bu alyansın yalnız ABŞ-dan ibarət olmadığını və ya ABŞ-ın diqtəsi altında hərəkət etmədiyini ortaya qoydu. Şimali-Atlantika blokunun baş katibinin bu bəyanatı quruma üzv olan ölkələrin geosiyasi situasiyalarda tam bərabərhüquqlu olduğunu və belə vəziyyətlərdə səs çoxluğunun qüvvədə olduğunu göstərdi. Yens Stoltenberq həm də onu sübut etdi ki, NATO dünyada fövqəlgüclərin hansısa qarşıdurmasında maraqlı deyil, əksinə dünyada sabitliyin tərəfdarı kimi çıxış edir. Ukraynadakı münaqişə tərəflərinin bir daha Minsk razılaşmalarına əməl olunmasına çağırılmasını isə bölgəyə nəzarətin davam etdiriləcəyi kimi başa düşmək olar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
