İyunun 6-da mərkəzi Təbriz olan Şərqi Azərbaycan əyalətində partlayış baş verib. APA-nın “Oyannews”a istinadən məlumatına görə, Həştrud şəhərində qaz sızması nəticəsində baş verən partlayışda 1 nəfər ölüb, 3 nəfər yaralanıb. Onların hamısı bir ailənin üzvüdürlər. Ölənlərdən biri 22 yaşlı hamilə qadındır. Həkimlər Qeysər üsulu ilə uşağı ananın bətnindən götürsələr də, ancaq onun həyatını xilas etmək mümkün olmayıb. Yaralılardan ikisi vəziyyətləri ağır olduğuna görə Təbriz şəhərinin İmam Rza xəstəxanasına aparılıblar. Hazırda onlardan birinin vəziyyətinin çox ağır olduğu bildirilir. Yüngül xəsarət almış digər yaralı isə Həştrud şəhərinin İmam Hüseyn xəstəxanasına aparılıb. Partlayış dalğası güclü olduğundan 200 metr radiusda bütün yaşayış binalarının, obyektlərin şüşələri tamamilə sınıb. Hadisənin səbəbləri araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
