Şəkidə 40 yaşlı kişi zəhərlənmədən öldü

Şəkidə 2-ci qrup əlil alkoqol zəhərlənməsindən ölüb.

Şəki Şəhər Rayon Polis Şöbəsindən APA-nın Şəki-Zaqatala bürosuna verilən məlumata görə, avqustun 5-i, axşam saatlarında 1975-ci il təvəllüdlü İsmayıl Bəşir oğlu Əliyevin meyiti yaşadığı Şəki şəhəri, Şəhriyar küçəsi 2/4 ünvanında aşkarlanıb.

Hadisə yerinə çağırılmış Təcili Tibbi Yardım Stansiyasının əməkdaşlarının müayinəsi zamanı 40 yaşlı İsmayıl Əliyevin alkoqol zəhərlənməsindən ölməsi müəyyən olunub. Məlumatda bildirilir ki, İsmayıl Əliyev subay, 2-ci qrup əlil olmaqla həm də tüfeyli həyat tərzi sürüb.