Şəki sakinini it dişlədi

Şəki sakinini it dişləyib.

Şəki Mərkəzi Rayon Xəstəxanasından (MRX) APA-nın Şəki-Zaqatala bürosuna verilən məlumata görə, mayın 28-i axşam saat 21 radələrində rayonun Suçma kənd sakini, 1993-cü il təvəllüdlü Günay Fədai qızı Rəsulova it dişləməsi xəsarətləri ilə xəstəxanaya daxil olub.

Müayinə zamanı məlum olub ki, 24 yaşlı Günay Rəsulova yaşadığı ünvanda ailəsinə məxsus iti bağlamaq istəyən zaman it onun hər iki əlindən dişləyib. G. Rəsulovaya müvafiq tibbi yardım göstərilib, quduzluq əleyhinə peyvənd edildikdən sonra ambulator müalicə almaq şərti ilə evə buraxılıb.