Şabranda 200 ha ərazi yanıb - YENİLƏNİB

Şabran rayonunda geniş ərazidə başlayan yanğını söndürmək mümkün olub.

APA-nın şimal bürosunun verdiyi məlumata görə, rayonun Taxtalar kəndində 200 hektar ərazi yanıb. Bunun 130 hektarı kol-kos və 70 hektarı isə biçilmiş taxıl zəmisidir. Əraziyə cəlb olunan Şabran Dövlət Yanğından Mühafizə Hissəsinin canlı qüvvəsi və texnikası yanğını söndürüb və meşə zolağına keçməsinin qarşısını alıb.

***

14:36

Şabran rayonunda geniş ərazidə yanğın başlayıb.

APA-nın şimal bürosunun verdiyi məlumata görə, hadisə rayonun Taxtalar kəndi ərazisində qeydə alınıb. Kənd ərazisində quru kol-kos sahəsində başlayan yanğın qəbiristanlığa keçib. Əraziyə Şabran Dövlət Yanğından Mühafizə Hissəsinin canlı qüvvəsi və texnikası cəlb olunub.

Yanğın nəzarətə götürülüb.