Aprelin 22-də Bakıda və Abşeron yarımadasında hava şəraitinin əsasən qeyri-sabit keçəcəyi gözlənilir. Ekologiya və Təbii Sərvətlər Nazirliyinin Milli Hidreometereologiya İdarəsindən Lent.az-a verilən məlumata görə, güclü şimal-qərb küləyi axşam mülayimləşəcək. Gecəyə doğru bəzi yerlərdə yağış yağacağı gözlənilir. Abşeron yarımadasında gecə 9-12, gündüz 14-16 isti olacaq. Bakıda gecə 9-11, gündüz 15 dərəcəyə qədər isti olacaq.
Sabah Azərbaycanın rayonlarında şimşək çaxacağı, arabir yağış yağacağı gözlənilir. Bəzi yerlərdə intensiv olacağı, dağlıq ərazilərdə sulu qara keçəcəyi ehtimalı var. Qərb küləyi ayrı-ayrı yerlərdə arabir güclənəcək.
Havanın temperaturu gecə 7-12, gündüz 14-19, dağlarda gecə 0-5, gündüz 5-10 isti olacağı gözlənilir. Sabah həmçinin, havanın temperaturu ötən günlərlə müqayisədə 7-12 dərəcə aşağı düşəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
